Este libro foi a lectura de maio do noso club de lectura de Ribeira. Carlos Lixó é o noso paisano do Concello de Ribeira e un activo membro do noso club de lectura. Vos diredes que se lle puxen cinco estrelas foi porque Carlos é o meu coñecido, pero que tal vez, o libro non mereza a pena. Porén eu dígoche que se gustas dos relatos, gustas da historia e non es unha persoa homófoba deberías lelo porque é dos mellores libros de relatos publicados recentemente. Os relatos transcorren ao longo de diferentes épocas da historia, dende o paleolítico ata os nosos días. Todos eles teñen como protagonistas persoas non normativas e, a maioría, falan da homosexualidade. É un libro para ler aos poucos, sen atropelarse, gozando de cada relato por separado. Levarás moitas sorpresas!