488 páginas
Idioma Galego
Publicado por Aira.
Unha sombra, sepultada durante séculos, esperta na Transilvania. O seu poder maléfico está a piques de estremecer as barulleiras rúas de Londres. Mais un equipo liderado por Mina Harker e Abraham Van Helsing está preparado para enfrontarse ao vampiro entre vampiros.
Drácula é unha das obras máis famosas da literatura popular. Adaptada centos de veces ao cine e á televisión, protagonista de videoxogos e obras narrativas. Mais o universo orixinal creado por Bram Stoker segue a fascinar pola súa combinación de intriga, aventura, sabedoría ancestral e rigor na descrición de personaxes e ambientes.
Un deses clásicos case imposíbeis de atopar en galego (había unha tradución de Xerais dos 90) até agora. Poucos clásicos poden presumir de ter acadado tanta influencia cultural. Cunha estructura epistolar séntese moi moderna, case coma un falso documental ou unha película de found footage. Trepidante e pura aventura, un clásico que non entendo que aínda non lera.
