Tapa blanda, 218 páginas
Idioma galego, galician
Publicado por Rinoceronte.
Aleksy rematou os seus estudos e planea pasar as vacacións cos seus amigos en Amsterdam, pero todo se torce cando a súa nai –a persoa que máis odia no mundo– o suborna para que pase con ela un último verán nunha pequena vila de Francia. Alí deberá enfrontarse ao seu vínculo roto e ao segredo que garda súa nai.
Mediante un relato cru, agresivo e convulso –feito polo propio Aleksy por recomendación do seu psiquiatra– descubrimos a historia dunha reconciliación imposíbel.
Aleksy narra en primeira persoa a súa vida, usando fragmentos significantes, como se pintase un cadro deses dos seus, para dar forma e intentar entender o que sinte.
É irrelevante que el se teña por tolo (que teña unha enfermidade mental), como poderás comprobar.
Non vou dicir nada máis.
